Последование молебного пения, певаемое во время брани против супостатов

Последование молебного пения ко Господу Богу нашему, за Императора и за люди, певаемое во время брани против супостатов

По возгласе архиерея или священника: «Благословен Бог наш…», чтец: «Слава Тебе, Боже наш, слава Тебе», «Царю Небесный», Трисвятое по «Отче наш», «Господи, помилуй» — 12 раз, «Слава, и ныне», «Приидите поклонúмся…» (трижды), после чего певцы поют на два хора:

«С нами Бог, разумейте, языцы, и покаряйтеся. Яко с нами Бог» — все стихи до конца, а затем повторяется первый стих.

Диакон произносит великую ектению: «Миром Господу помолимся» до прошения: «О плавающих, путешествующих…» включительно, а затем присовокупляет прошения:

«О еже лук мéдян положити мышцы верных Своих и укрепити десницу их силою крепости Своея, в побеждение и попрание супостат наших, Господу помолимся».

«О еже неослабну, непребориму, победительну же силу, крепость и мужество с храбростию христоименитому воинству нашему на сокрушение врагов и супостат наших и всех хитрообразных их наветов подати, Господу помолимся».

«О еже студа́ и бесчестия лúца противящихся нам исполнити, сердце же их страха и ужаса, и ангел Господень да будет погоняяй и поражаяй их, Господу помолимся».

«О еже посрамити крестоненавистное супостат наших царство, и прославити силою крестною в победе крестоносного Императора, и люди своя, Господу помолимся».

«О еже услышати от Церкве Святыя Своея вопль и воздыхание единоверных наших и от врагов и супостат порабощенных рабов Своих, в печали и скорби своей к Нему вопиющих, и известú от тли живот их, Господу помолимся».

По окончании ектении священник возглашает: «Яко подобает Тебе всякая слава….» Хор: «Аминь». На «Бог Господь» — тропарь: «Спаси, Господи, люди Твоя и благослови достояние Твое, победы Благоверному Императору нашему на сопротивныя даруя, и Твое сохраняя Крестом Твоим жительство», «Слава» — тот же тропарь, «И ныне» — Богородичен:

«Предстательство страшное и непостыдное, не пре́зри, Благая, молитв наших, Всепетая Богородице; утверди православных жительство, спаси люди Твоя и подаждь им с небесе́ победу, зане родила́ еси Бога, Едина Благословенная».

Далее — Апостол (2-е к Коринфянам, зачало 172-е) и Евангелие (от Матфея, зачало 20-е, «от полу́») с обычными молитвословиями. Перед Апостолом прокимен: «Господи, силою Твоею возвеселится царь и о спасении Твоем возрадуется зело́», со стихом: «Желание сердца его дал еси ему и хотения устну́ его нéси лишил его».

После Евангелия диакон произносит ектению: «Помилуй нас, Боже…» с особыми прошениями, добавляемыми к ней:

«Не на лук наш уповаем, ни оружие наше спасет нас, Господи, но Твоея всемогущия по́мощи просим и, на Твою силу дерзающе, на враги наша ополчимся и, Имя Твое верно призывающе, со умилением молим Ти ся: Всемогий Господи, милостивно услыши и помилуй».

«Защитниче правоверных, посли стрелы Твоя, Господи, и смятение сотвори врагом нашим, блесни молния и разженú я, посли руку Твою свыше и покори их и в руки верному Твоему воинству и Императору нашему предаждь, молим Ти ся, услыши и помилуй».

«Во веки пребыва́яй, Милосерде Господи, запрети языком в достояние Твое приходящым и оскверняющым Церковь Святую Твою, пожени их бурею Твоею. и гневом Твоим смути их, исполни лица их безчестия, да постыдятся и смятутся в век века, да посра́мятся и силою судеб Твоих гордость их да сокрушится, Имя же Твое Святое да прославится в нас, прилежно молим Ти ся, услыши и помилуй».

«О еже непреобориму и победительну, всегда над христоненавистными враги быти благочестивейшему, самодержавнейшему, Великому государю всея России, и правоверному его воинству, и мир и славу вселити в земли нашей, прилежно молим Ти ся, Господи, услыши и помилуй».

По окончании ектении священник возглашает: «Услыши ны, Боже, Спасителю наш…», хор: «Аминь», диакон: «Со умилением преклонше колена, Господу помолимся»; хор: «Господи, помилуй», священник громко читает молитву:

«Господи Боже наш, послу́шавый Моисея, простерша к Тебе ру́це, и люди Израилевы укрепúвый на Амалúка, ополчúвый Иисуса Навина на брань и повеле́вый солнцу стати; Ты и ныне, Владыко Господи, услыши нас, молящихся Тебе: укрепи силою Твоею благочестивейшаго, самодержавнейшаго, Великаго государя, благослови его дела: умножи славу его победами над противоборствующими Православной Церкви: утверди всесильною Твоею десницею царство его: сохрани воинство его: посли ангела Твоего укрепляюща их: отъими от них всяк глад и пагубу и избави я от огня и меча и нападения враг и от всякаго востания противнаго; подаждь им вся, яже ко спасению прошения, спутешествуя им во всем. Посли, Господи, невидимо десницу Твою, рабы Твоя заступающую во всех, яко Твоя держава, Царство и сила, от Тебе помощь вси приемлем, на Тя уповаем, Тебе славу возсылаем, Отцу, и Сыну, и Святому Духу, ныне и присно, и во веки веков».

Хор: «Аминь», диакон: «Премудрость», хор: «Честнейшую Херувим…», «Слава, и ныне», «Господи, помилуй» (трижды), «Благослови»; священник творит обычный дневной отпуст, по отпусте многолетие их Императорским Величествам и Высочествам.

Публикуется по изд.:

Последование молебных пений. М., 1913. С. 16-23

Реклама

Последование молебного пения, певаемое во время брани против супостатов: 2 комментария

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s